ग़ज़ल
ताहि ते आयो सरन सबेरे
ताहि ते आयो सरन सबेरे।ग्यान बिराग भगति साधन कछु सपनेहुँ नाथ न मेरे॥१॥लोभ मोह मद काम क्रोध रिपु फिरत रैन दिन घेरे।तिनहि मिले मन भयो कुपथ रत फिरै तिहारेहि फेरे॥२॥दोष-निलय यह बिषय सोक-प्रद कहत संत स्त्रुति टेरे।जानत हूँ अनुराग तहाँ अति सो हरि तुम्हरेहि प्रेरे॥३॥बिष-पियूष सम करहु अगिनि हिम तारि सकहु बिनु बेरे।तुम सब ईस कृपालु परम हित पुनि न पाइहौं हेरे॥४॥यह जिय जानि रहौं सब तजि रघुबीर भरोसे तेरे।तुलसीदास यह बिपति बाँगुरो तुमहिं सों बनै निबेरे॥५॥
पाठ सत्यापित · Text verified against Kavita Kosh